გამყინვარების პერიოდის ევროპის გენეტიკური ისტორია

Written by   in  DNA პალეოგენეტიკა სამეცნიერო კვლევები
new-132

2016 წლის 2 მაისს, სამეცნიერო ჟურნალში “Nature” გამოქვეყნდა სტატია სახელწოდებით „The genetic history of Ice Age Europe“. სტატიის ავტორებმა – პალეოდნმ-ის კვლევის მსოფლიოში სახელგანთქმულმა სპეციალისტებმა იოანნეს კრაუზემ (იენის კაციობრიობის ისტორიის მეცნიერებათა მაქს პლანკის ინსტიტუტი), სვანტე პეებომ (ლაიფციგის ევოლუციური ანთროპოლოგიის ინსტიტუტი) და დევიდ რაიხმა (ბოსტონის ჰარვარდის სამედიცინო სკოლა) პალეოდნმ-ის 51 ნიმუშის ანალიზი ჩაატარეს და ნაწილობრივად აღადგინეს უკანასკნელი ყინულოვანი მაქსიმუმამდელი და მისი შემდგომი პოპულაციების წარმომავლობა, მათი ურთიერთკავშირები და მიგრაციების მიმართულებები. აღსანიშნავია, რომ დღემდე ევროპიდან მხოლოდ 4 ზედა პალეოლითის გენომი იყო გაშიფრული. ახალ კვლევაში ანალიზი 45 – 7 000 წლის წინანდელ 51 ნიმუშს ჩაუტარდა. ახალ ნიმუშებთან ერთად, ავტორებმა კვლევაში რამდენიმე უკვე გამოქვეყნებული პალეოგენომიც გამოიყენეს, მათ შორის ორი ზედა პალეოლითის/მეზოლითის მონადირე-შემგროვებლის გენომი საქართველოდან, რომლებსაც 2015 წლის კვლევა მიეძღვნა.

სტატია რამდენიმე ნაწილად არის დაყოფილი, რომლებიც კვლევის ძირითად მიმართულებებს ასახავს:
(მეტი…)

უძველესი პალეოგენომები საქართველოდან

Written by   in  DNA პალეოგენეტიკა სამეცნიერო კვლევები ქართველების გენეტიკა
103317

2015 წლის 16 ნოემბერს, ჟურნალში “Nature” გამოქვეყნდა სტატია სახელწოდებით „Upper Palaeolithic genomes reveal deep roots of modern Eurasians“. კვლევის ავტორებმა პირველად მოახდინეს კავკასიის უძველესი გენომების ანალიზი. საუბარია ~13 000 წლის წინანდელ მონადირე-შემგროვებელზე საწურბლიას მღვიმედან (წყალტუბოს რ-ნი) და ~9 500 წლის წინანდელ მონადირე-შემგროვებელზე კოტიას კლდის მღვიმედან (ჭიათურის რ-ნი). კვლევაში აგრეთვე განხილულია მესამე პალეოგენომი – ~13 500 წლის წინანდელი ადამიანი გროტ დუ ბიშონის მღვიმიდან (თანამედროვე შვეიცარია).

სტატიის შესავალში ავტორები მიმოიხილავენ იმ პერიოდისთვის ცნობილ სურათს ევრაზიის პალეო-დნმ ანალიზების შედეგად. კერძოდ, ისინი აღნიშნავენ, რომ აქამდე ცნობილი იყო სამი წინაპრული პოპულაცია/კომპონენტი, რომლებმაც თანამედროვე ევროპელების გენეტიკაზე იქონიეს ზეგავლენა. ესენი არიან 1) „დასავლეთის მონადირე-შემგროვებლები“ (WHG) რომლებსაც მეზოლითის პერიოდიში ევროპის ტერიტორიაზე ფართოდ გავრცელებული პოპულაციები მიეკუთვნებოდნენ, 2) „ადრეული მიწათმოქმედები“ (EF), რომლებიც ნეოლითის პერიოდში ახლო აღმოსავლეთიდან (ლევანტიდან) გავრცელდნენ ევროპაში, თითქმის მთლიანად ჩაანაცვლეს სამხრეთ ევროპის მოსახლეობა და შეერივნენ უფრო ჩრდილოეთით მყოფ პოპულაციებს და 3) გვიანდელი პოპულაცია, რომელიც სათავეს ადრეული ბრინჯაოს ხანის იამნაიას არქეოლოგიურ კულტურაში იღებს ჩრდილოეთ შავიზღვისპირეთის სტეპებიდან და რომელმაც მნიშვნელოვანი კვალი დატოვა აღმოსავლეთ და ცენტრალურ ევროპაში. იამნაიას კულტურის წარმომადგენლები ნაწილობრივ ძველი ჩრდილოეთ ევროპელების (ANE) შთამომავლები იყვნენ, თუმცა, მათ გენომებში მეორე, აქამდე ამოუცნობი გენეტიკური წყაროს არსებობა ფიქსირდებოდა.

(მეტი…)

ჰაპლოჯგუფი G2a

Written by   in  DNA G2a Y-DNA ქართველების გენეტიკა
G

Y-DNA ჰაპლოჯგუფების განყოფილებას დაემატა სტატია ჰაპლოჯგუფ G2a შესახებ => http://geodna.ge/y-dna/g2a/

დემოგრაფიული აფეთქებები Y-DNA -ს მონაცემებზე დაყრდნობით

Written by   in  DNA Y-DNA სამეცნიერო კვლევები
ng.3559-F2
სამეცნიერო ჟურნალში Nature Genetics გამოქვეყნდა სტატია სათაურით “Punctuated bursts in human male demography inferred from 1,244 worldwide Y-chromosome sequences”. სტატიის ავტორებმა 1 000 გენომის პროექტის ფარგლებში, მსოფლიოს სხვადასხვა კუთხის 26 პოპულაციიდან შეგროვებული 1 244  ნიმუშის Y დნმ-ის ანალიზი ჩაატარეს. აღმოჩენილ იქნა სხვადასხვა ტიპის 65 000-ზე მეტი მუტაცია. ერთ-ნუკლეოტიდური პოლიმორფიზმების (SNP) მონაცემების გამოყენებით შეიქმნა ფილოგენეტიკური ხე, რომელმაც სხვადასხვა დროსა და ადგილას, ერთმანეთისგან დამოუკიდებლად, მამაკაცების (მათი მამობრივი ხაზების) რაოდენობის და გავრცელების მკვეთრი ზრდის მომენტები აჩვენა, რაც დროში უკვე ცნობილ მიგრაციებს და  ტექნოლოგიურ ინოვაციებს ემთხვევა. იმის მიუხედავად, რომ კვლევის ფარგლებში ჩვენი რეგიონის პოპულაციები არ გატესტილა, მეცნიერების დასკვნები ჩვენთვისაც საინტერესოა.
(მეტი…)

დნმ-ის საერთაშორისო დღე

Written by   in  DNA Family Tree DNA ფასდაკლებები
article-2265768-0062E74F00000258-854_634x469
დღეს მსოფლიოში დნმ-ის დღე აღინიშნება. 1953 წლის 25 აპრილს,  სამეცნიერო ჟურნალში “Nature” გამოქვეყნდა პირველი კვლევა დნმ-ის სტრუქტურასთან დაკავშირებით. მორის უილკინსისა და როზალინდ ფრანკლინის მიერ მიღებულ რენტგენოსტრუქტურულ მონაცემებსა და „ჩარგაფის წესებზე“ დაყრდნობით (რომელთა თანახმადაც, დნმ-ის თითოეულ მოლეკულაში დაცულია მკაცრი ურთიერთკავშირები, რომლებიც ერთმანეთთან აკავშირებს სხვადასხვა ტიპის აზოტოვანი ფუძეების რაოდენობას), ჯეიმს უოთსონმა და ფრენსის ქრიქმა დნმ-ის ორმაგი სპირალის სტრუქტურა წარადგინეს. მოგვიანებით, უოთსონისა და ქრიქის მიერ შემოთავაზებული დნმ-ის მოდელი აღიარებულ იქნა, ხოლო მათმა ნამუშევარმა 1962 წელს ფიზიოლოგიის ან მედიცინის დარგში ნობელის პრემია მიიღო. 

დნმ-ის დღე ეძღვნება მის აღმოჩენასა და შესწავლას, აგრეთვე იმ სამეცნიერო მიღწევებს, რომლებიც დნმ-ის აღმოჩენის შედეგად გახდა შესაძლებელი.

dnafour

დნმ-ის დღე პირველად 2003 წლის 25 აპრილს აღინიშნა, რასთან დაკავშირებითაც აშშ-ს სენატმა და წარმომადგენელთა პალატამ განცხადებები გაავრცელეს. 2003 წლიდან მოყოლებული, დნმ-ის დღის აღნიშვნა ადამიანის გენომის ეროვნული კვლევითი ინსტიტუტის ეგიდით ტარდება.

შეგახსენებთ, რომ დნმ-ის დღესთან დაკავშირებით, 27 აპრილის დილის 9 საათამდე (თბილისის დროით) გენეტიკური ტესტირების კომპანია Family Tree DNA კლიენტებს ფასდაკლებებს სთავაზობს საკუთარ ტესტებზე. მეტი ინფორმაცია იხილეთ ამ ბმულზე.

ჰაპლოჯგუფი J1

Written by   in  J1 Y-DNA ქართველების გენეტიკა
j1-migration

Y-DNA ჰაპლოჯგუფების განყოფილებას დაემატა სტატია ჰაპლოჯგუფ J1 შესახებ => http://geodna.ge/y-dna/j1/

ფასდაკლება Family Tree DNA-ს ტესტებზე

Written by   in  Family Tree DNA ფასდაკლებები
FTDNASale-v2
დნმ-ის დღესთან დაკავშირებით (25 აპრილი), გენეტიკური ტესტირების კომპანია Family Tree DNA ტრადიციულად გვთავაზობს ფასდაკლებებს საკუთარ პროდუქციაზე. ფასდაკლებები ახალ და დამატებით (BigY, SNP Pack) ტესტებზე ვრცელდება. ფასდაკლება ქვემოთმოყვანილ ტესტებზე თბილისის დროით 22 აპრილის 02:00 საათიდან 27 აპრილის 08:59 საათამდე გაგრძელდება.

ტესტი

ჩვეულებრივი ფასი

 ფასი ფასდაკლებით

Family Finder

       $99

     $79

mtFull Seq

      $199

    $149

Y37

      $169

    $129

Y67

      $268

    $199

Y111

      $359

    $289

BigY

      $575

    $460

SNP Packs

      $119

    $109

კომპანიის განცხადებით, Upgrade-ებზე ფასდაკლებები ივნისში იქნება.

ტეტსის შეკვეთის შესახებ ინფორმაციის მისაღებად გაეცანით ჩვენი საიტის შესაბამის განყოფილებას.

ტუტანხამონისა და ნაპოლეონის „ქართული წარმომავლობის“ შესახებ

Written by   in  Y-DNA ქართველების გენეტიკა
Gold mask of Tutankhamun and 'virtual autopsy'

უკანასკნელ პერიოდში, ქართული მედიის თუ ინტერნეტ ფორუმების საშუალებით ვრცელდება ინფორმაცია, თითქოს ეგვიპტის XVIII დინასტიის ფარაონი, ტუტანხამონი კავკასიური წარმოშობის იყო. გავრცელებული ინფორმაციით, აღნიშნული საკითხი დადასტურდა დნმ კვლევის შედეგად, რომელიც „შვეიცარელმა მეცნიერებმა“ ჩაატარეს. კეთდება შორსმიმავალი დასკვნები, ფარაონის ქართველობის, ძველი ეგვიპტის ე.წ. „იბერიულ ცივილიზაციისადმი“ კუთვნილების შესახებ. რა დგას რეალურად ამ ინფორმაციის უკან და რომელ ცნობებს ეყრდნობიან ჟურნალისტები?

ტუტანხამონის მუმიის გენეტიკური კვლევა, რომლის შედეგები 2010 წლის 17 თებერვალს, ამერიკის სამედიცინო ასოციაციის ჟურნალში გამოქვეყნდა, მეცნიერების საერთაშორისო ჯგუფის მიერ იქნა ჩატარებული, რომელსაც ეგვიპტის სიძველეების საკითხების უმაღლესი საბჭოს გენერალური მდივანი, ცნობილი არქეოლოგი და ეგვიპტოლოგი, ზაჰი ჰავასი ხელმძღვანელობდა. ტუტანხამონის გარდა, გენეტიკური კვლევა კიდევ 15 მუმიას ჩაუტარდა. კვლევის მიზანს წარმოადგენდა 16 მუმიას შორის ნათესაური კავშირების დადგენა და იმ დაავადებებისა და პათოლოგიების გამოვლენა, რომლებმაც შესაძლოა მათი სიკვდილი გამოიწვია. კვლევაში საერთოდ არ არის ნახსენები ტუტანხამონის ან სხვა მუმიების გენეტიკური წარმომავლობა. ამაში დარწმუნება ნებისმიერ მსურველს შეუძლია, კვლევა უფასოდ არის ხელმისაწვდომი ამერიკის სამედიცინო ასოციაციის ჟურნალის ვებ–გვერდზე. მაშ, საიდან გავრცელდა ინფორმაცია ტუტანხამონის წარმომავლობისა და მისი Y დნმ ჰაპლოჯგუფის შესახებ?

(მეტი…)

კეთილი იყოს თქვენი მობრძანება

Written by   in  Uncategorized
welcome
კეთილი იყოს თქვენი მობრძანება ქართული დნმ პროექტის საიტზე!

ჯერ-ჯერობით სატესტო რეჟიმში ვმუშაობთ. ცნობარის ნაწილში ეტაპობრივად განთავსდება შესაბამისი ინფორმცია, ბლოგის ნაწილში კი რეგულარულად შემოგთავაზებთ საინტერესო ახალ ამბებს როგორც ზოგადად გენეტიკის, ასევე ანთროპოლოგიის, ისტორიის, ლინგვისტიკის, არქეოლოგიის და სხვა სფეროებიდან. 

ხარვეზების აღმოჩენის შემთხვევაში გთხოვთ შეგვეხმიანოთ.

არქივი

დაგვიკავშირდით
© ქართული დნმ პროექტი 2016.